A secretaria xeral para o Turismo de Galicia, Carmen Pardo López visita a capital arxentina para levar a cabo diversos actos de promoción do destino turístico Galicia no marco da acción promocional organizada pola Secretaría Xeral para o Turismo a través de Turgalicia.
As pantallas do complexo comercial e das salas de teatro Paseo La Plaza de Buenos Aires proxectaron durante todo este mes de agosto os spots promocionais de Turgalicia. En total entregouse material promocional de Galicia e do Xacobeo a 1.400 persoas que se achegaron ao stand instalado ao efecto. A acción promocional concluiu onte coa presentación para axentes e prensa especializada.
