"Antes do Goya estaba en Segunda B, despois pasei a Segunda División como é debido"

Luis Zahera contou este venres co respaldo de Verín na súa homenaxe no Festival de Curtas, onde esgotou entradas. O actor, que atravesa un doce momento profesional, agradeceu o cariño recibido. Que significa para vostede recibir este recoñecemento en Verín? Estas mostras de cariño sempre fan moita ilusión. A xente tómache un pouco o pelo co rollo de que os homenaxes se lle fan aos mortos (rie). Pero moi ben. Son tempos complicados e hai que apoiar a Verín, porque supoño que culturalmente está todo moi complicado. Son tempos moi escuros debido a esta pandemia. Recibe o testigo de Mabel Rivera, homenaxeada o pasado ano no Festival de Curtas de Verín, ¿que destacaría dela? Eu cando era rapaz ía ver a Mabel ao teatro. A admiraba moitísimo. En que proxectos está inmerso nestes momentos? Agora mesmo estou rodando unha película dirixida por Dani Guzmán e que se chama A gran mentira. Acabo de rematar un programa na Televisión de Galicia que se vai a chamar Sen código postal e no que se recupera a Anselmo, o carteiro do Luar. Tamén estou pendente dun par de cousas, pero a ver que pasa coa pandemia. Comezaría unha cousa nova con Telecinco. A nivel laboral, ¿viuse moi afectado pola situación de crise derivada do covid? Eu que sei. A pandemia para nós, digamos para os actores e acrices que están mínimamente consolidados... Consumiuse toda a producción que había, agora estamos no momento das plataformas... Para nós é un momento doce tamén. Agora tamén, un pouco como autocrítica, sempre traballamos os mesmos. Hai pouco relevo. Coñezo un lote de actores e actrices novos que teñen dificultades para ter un representante e se non o tes non entras nun cásting... Sempre foi complicado este traballo. Como cre que cambiará a pandemia do covid a cultura e o audivisual? Vexo compañeiros de teatro, que teñen productoras... Non sei, agardo que haxa unha moi boa medicación ou saia unha vacina, senon esto está complicado. Hai problemas para asegurar rodaxes. Home, está complicado pero nunca houbo tanto traballo como agora porque hai moitas e novas plataformas. Que supuxo para vostede a nivel persoal e profesional, gañar un Goya? Levar un Goya sempre é unha alegría e máis por unha película coma O Reino á que lle puxemos tanto cariño. Si, home, o Goya da traballos e mediáticamente tamén se nota. Pero, home, non é por ir de aburrido, pero o que está dando traballo agora son as plataformas. Ben é certo tamén que todo está interrelacionado. O Goya, pois eu que sempre estaba en "2º B" pois pasas á Segunda división como é debido. A xente identifícao con personaxes que lle marcaron moito: Petróleo, Pertur... Esto moléstalle? Non, home! Que va! Eu moi orgulloso: outro morreu como Chanquete, eu morrerei como Petróleo. Descubrín con el a popularidade.O problema non é que te encasillen, o problema é non traballar. O director do FIC definiuno como un actor multidisciplinar, en que rexistro se sente máis cómodo? Si, eu considerome un tipo con sorte: Mareas Vivas, os anos de gloria do Centro Dramático Galego...Si. Picoteei moito e supoño que o que máis fixen foi televisión, pero o que máis me gusta é o teatro e foi o que menos fixen.n