O Concello de Verín vén de anunciar a implantación de dous cursos clave como parte do Proxecto “Doantes de Sabedoría”. Nun esforzo por enriquecer a vida dos residentes maiores da comunidade, estes cursos están deseñados especificamente para empoderar aos maiores, brindándolles as habilidades de coñecementos necesarios para participar plenamente na era dixital e sacar o máximo proveito da tecnoloxía moderna.
Realizarase un curso de manexo de teléfonos móbiles para persoas maiores, que ofrecerá coñecementos aos participantes para que estes poidan empregar os móbiles nas súas vidas diarias e nas súas rutinas. A outra formación será de informática e internet, que busca reducir a brecha dixital e equipar aos maiores con habilidades clave para buscar información e utilizar a tecnoloxía de maneira efectiva.
Dende o Concello explican que para participar nestes cursos é necesario inscribirse na Oficina de Xuventude e Consumo. A actividade está organizada pola Oficina Municipal de Información Xuvenil e a Oficina de Atención ás Maiorías, que forman parte da área de Benestar Social do ente local. “Este esforzo reflicte o compromiso do Concello de Verín en enriquecer a calidade de vida dos seus cidadáns maiores, brindándolles as ferramentas necesarias para participar activamente na sociedade dixital actual”, anota o Goberno municipal.
