A Denominación busca aumentar a súa presencia en Madrid e Barcelona, o Levante e a zona norte peninsular
Os viños da Denominación de Orixe Monterrei estarán presentes no Salón Internacional de Alimentación y Bebidas Alimentaria 2016, que se celebrará en Barcelona entre os días 25 e 28 de abril. O Consello Regulador terá un stand propio no pavillón 3 e ó seu lado situarase un stand da bodega Tapias Mariñán, pertencente á Denominación e que participa de modo individual.
A presidenta do Consello Regulador, Asunción Rodríguez Zarraquiños, e mambros do equipo técnico da Denominación desprazaranse a Barcelona para apoiar a iniciativa e atender o stand.
Segundo sinala o Consello Regulador, coa asistencia a esta feira a Denominación de Orixe pretende "incidir no sector profesional, xa que a mesma reúne a reprsentantes da hostelería e axentes de mercado". Así mesmo, pretende "reforzar a imaxe de marca e potenciar a conexión entre gastronomía, industria e turismo, para atraer a consumidores, así como visitantes a este destino vitivinícola".
A Denominación fixa o obxectivo de incrementar a súa presencia en mercados como Barcelona e Madrid, a zona norte peninsular e o Levante, así como elevar a súa cuota de exportación, "una cifra que actualmente supón o 19% do viño comercializado baixo o amparo da Denominación".
