nO Gabinete de Apoio Técnico da Eurocidade Chaves-Verín expediu neste primeiro mes de funcionamento máis de 800 tarxetas do eurocidadán entre os veciños das dúas localidades.
Esta tarxeta, ten como principais beneficios o acceso aos servizos das bibliotecas municipais de Chaves e Verín, descontos na utilización de instalacións municipais de Chaves e Verín, entrada gratuíta nos museos municipais de Chaves e Verín, descontos en eventos culturais a organizar polos dous municipios, descontos nos tratamentos de termalismo terapéutico e benestar termal nas Termas de Chaves - O SPA do Emperador, acceso a accións de formación promovidas polos municipios de Chaves e Verín, e acceso á participación en actividades culturais, deportivas e lecer promovidas polos dous municipios.
