O Tempo Documentary Festival de Suecia, un dos festivais audiovisuais máis arraigados do país escandinavo e que este ano acadou a súa XXII edición, será o festival convidado pola organización do FIC Vía XIV de Verín na súa vindeira edición.
O Tempo Documentary Festival celebrou a súa última edición en marzo deste ano e fíxoo case completamente de xeito dixital, ata a entrega de trofeos se celebrou a través da pantalla.
Carlos Montero, director do FIC Vía XIV, argumenta sobre o Tempo Documentary Festival que "ao longo do tempo estableceuse como un foro único para a presentación de traballos documentais internacionais máis aló das fronteiras tradicionais", adoitando así, acoller na súa axenda formas de expresión máis experimentais xunto a cinema, radio, fotografía ou realidade virtual.
Por todo iso, ademais de ser o máis grande de documentais de toda Suecia fundado en 1998, o FIC Vía XIV decidiu convidar ao Tempo Documentary Festival a sexta edición deste Festival de Curtas.
Neste sentido, as persoas que acodan a esta actividade paralela en Verín -que se celebrará entre o 4 e o 12 de setembro- poderán visionar algunhas das curtas seleccionadas a concurso polo Tempo Documentary Festival en anos anteriores.
