Xa se atopa na praza do Concello de Verín un novo contedor amarelo xigante que ten como finalidade difundir a campaña “Únete ao reto”, impulsada pola Consellería de Medio Ambiente, Territorio e Vivenda e Ecoembes, en colaboración co ente municipal.
A campaña ten como obxectivo conseguir e incentivar aos concellos participantes para que melloren polo menos nun 10% a cantidade de achegas que fixeron ao contedor amarelo durante o pasado ano.