O parlamentario socialista Juan Carlos Francisco levou unha pregunta ao conselleiro de Sanidade, Julio Comesaña
O grupo socialista preguntou hoxe no Parlamento pola sanción do Sergas contra Javier Castrillo, o xefe de xinecoloxía do Hospital de Verín, figura que encabezou a mobilización contra o peche do paridoiro.
Juan Carlos Francisco, o parlamentario autonómico do PSdeG, levou unha pregunta oral para que Julio Comesaña, conselleiro de Sanidade, xustificando a urxencia da pregunta pola “estupefacción e alarma social xerada na cidadanía da comarca de Verín pola resolución ditada polo Sergas”, de 2 días sen empleo e soldo.
Ante a pregunta “Considera a Consellería de Sanidade que o feito de defender a permanencia dun paridoiro é merecente da imposición ao doutor Castrillo dunha sanción?”, Comesaña sinalou que “os procesos administrativos deben ser totalmente garantistas e os cargos políticos non debemos interpoñernos”, referíndose a mostra dos socialistas de “pouca consideración cunha facultativo que presentou unha denuncia e co traballo que realiza o servizo de inspección do Sergas”.