Tras o alivio das restricións marcadas pola Xunta de Galicia este luns, a Asociación de Transportistas do Parking de Verín (Atraparve) que tiña convocada unha manifestación, motivada pola falta de servizos dos que dispuñan os transportistas en Galicia -áreas de servizo pechadas, entre outras-, veñen de anunciar a suspensión de dita marcha.
Tras a publicación no DOG este martes da apertura da restauración en áreas de servizo, restaurantes en estradas principais con parking para camións e centro loxístico para atender ao sector, José Javier Limia, presidente de Atraparve, satisfeito ante a noticia, asegura que "a manifestación prevista para este sábado 20 de febreiro polas rúas de Verín queda suspendida".
Desde a Asociación síntense orgullosos, xa que "con esta iniciativa, a visibilidade e a forza que fixemos xuntos, fomos escoitados".
Limia recordaba que aos transportistas "tocounos vivir esto na nosa propia pel, a situación en Galicia era penosa comparada co resto de España" ao que engade que "parece que os altos cargos se concienciaron do problema que sufriamos".
Así, Atraparve agradece a decisión e a colaboración dos que fixeron posible que a súa petición fose escoitada".
