Os interesados en participar na sexta edición da Camiñada pola ruta das “Portas do Invernadeiro” están a tempo de anotarse para participar neste tradicional percorrido: o 8 de xuño remata o prazo de inscricións para participar neste evento, que se celebra o vindeiro domingo.
Dende a organización do evento, a Comunidade de Montes veciñais de Campobecerros e o Concello de Castrelo do Val, recordan de que os amantes do sendeirismo e da natureza poden anotarse en Multisport Verín ou no restaurante Merendeiro de Campobecerros (Castrelo do Val).
Así, os participantes poderán escoller entre tres posibles rutas de percorrido circular: de 18,9 quilómetros, de 13,4 e de 4,5. A saída será ás 08,30 horas para todos os participantes dende Campobecerros e ao finalizar celebrarase unha comida no restaurante Merendeiro deste núcleo poboacional.