As entradas para as IV xornadas de Novela Negra de Verín xa están dispoñibles. Así o comunicaron dende a Biblioteca Municipal, organizadores do evento que se celebrará os días 3 e 4 de xuño no Auditorio.
Baixo o título "Personaxes de Novela", as entradas diarias teñen un prezo de dous euros. Este custo simbólico ten un dobre obxectivo: evitar a retirada de entradas sen ter a certeza absoluta de acudir ao evento e conseguir unha colaboración simbólica coa Biblioteca de Verín e as súas actividades de fomento á lectura.
As entradas poderán adquirirse na propia biblioteca e os días 3 e 4 de xuño no Auditorio. Ademais, dende o Concello habilitaron unha conta bancaria para realizar transferencias para os que non poidan acudir presencialmente a recoller a entrada.