O grupo do BNG na Corporación do Carballiño solicita a comparecencia do equipo de goberno do Concello no recurso presentado por UXT contra a suba do soldo a dous funcionarios municipais. O incremento salarial está referido ós complementos específicos e foi tomado por acordo plenario o pasado 27 de marzo polos votos maioritarios dos nacionalistas e do PP, mentres o PSOE votou en contra.
Neste sentido, Bernardo García Novoa, voceiro do BNG na comisión de Persoal, sinala que non se comprende a intencionalidade do susodito recurso, máxime cando no propio pleno se aprobaron subas cuantiosas a outros traballadores, entre elas do 461% ó oficial primeiro da brigada; 698% ó pión de instalacións deportivas e dun101% á conserxe encargada da limpeza. O concelleiro nacionalista apunta, ó respecto, que istes acordos non se mencionen para nada na reclamación da UXT.
Defensa
Bernardo García engade que o mesmo mutismo mantivo ese sindicato na Relación de postos de traballo (RPT) do 2007, cando o actual grupo de goberno, daquela con maioría, procedeu a un aumento liñal de 3.000 euros anuais ás responsables de Secretaría e Intervención. O BNG solicita do alcalde do Carballiño, Carlos Montes,o nomeamento dun avogado para a defensa de dito acordo da Corporación, xa que o pleno ten plenas competencias sobre os acordos relativos a Relación de Postos de Traballo. O grupo de goberno rexeitou a suba ós dous funcionarios ó entender que era inxusta e discriminatoria cos seus compañeiros.
Defensa
Bernardo García engade que o mesmo mutismo mantivo ese sindicato na Relación de postos de traballo (RPT) do 2007, cando o actual grupo de goberno, daquela con maioría, procedeu a un aumento liñal de 3.000 euros anuais ás responsables de Secretaría e Intervención. O BNG solicita do alcalde do Carballiño, Carlos Montes,o nomeamento dun avogado para a defensa de dito acordo da Corporación, xa que o pleno ten plenas competencias sobre os acordos relativos a Relación de Postos de Traballo. O grupo de goberno rexeitou a suba ós dous funcionarios ó entender que era inxusta e discriminatoria cos seus compañeiros.
