Seis alumnos do Instituto Nº1 do Carballiño foron seleccionados para participar na cuarta edición dos Campus Científicos de Verán, organizados pola Fundación Española para a Ciencia e a Tecnoloxía e o Ministerio de Educación co apoio da Obra Social 'La Caixa'. O alumnado de cuarto da ESO e primeiro de Bacharelato seleccionado participará durante sete días en proxectos científicos deseñados por profesores universitarios e desenvolvidos en departamentos de investigación de 16 campus de excelencia internacional e rexional. Levaranse a cabo entre os días 30 de xuño e 27 de xullo.
Erik Bernárdez participará no País Vasco, no proxecto 'Física de alta voltaxe, faíscas, raios e pelos de
punta'. Carlos Manuel Corral formará parte do proxecto 'Descubrindo o universo', que se desenvolverá nas Palmas de Gran Canaria. O proxecto 'Coñecemento e TIC: entre todos construímos o futuro', que terá lugar en Granada será o destino escollido por Tania Bugallo. Laura Fennan elixiu 'Gabinete de Física', en Salamanca. Marcos González Martínez participará no proxecto 'Buscando as partículas máis enerxéticas do Universo', en Santiago, e Jesús Soto, estará en Valencia, con 'Matemáticas, criptografía e códigos'.
punta'. Carlos Manuel Corral formará parte do proxecto 'Descubrindo o universo', que se desenvolverá nas Palmas de Gran Canaria. O proxecto 'Coñecemento e TIC: entre todos construímos o futuro', que terá lugar en Granada será o destino escollido por Tania Bugallo. Laura Fennan elixiu 'Gabinete de Física', en Salamanca. Marcos González Martínez participará no proxecto 'Buscando as partículas máis enerxéticas do Universo', en Santiago, e Jesús Soto, estará en Valencia, con 'Matemáticas, criptografía e códigos'.