Nas oficinas da Concellería de Cultura do Carballiño recibíronse un total de 57 obras para concursar na vixesimo cuarta edición do Premio Antón Losada Diéguez, que organizan os Concellos de Boborás e Carballiño e a Deputación provincial cunha dotación económica de 12.000 euros. Esta cantidade repártese a partes iguais entre o gañador no eido de creación literaria -na que participan 34 autorese no de investigación, con 23 traballos.
No primeiro apartado pódense atopar nomes da comarca, como Miguel Anxo Fernández, que presenta a novela Tres disparos e dous friames, e Luis González Tosar co seu poemario Estúrdiga materia. No segundo, o xornalista Manuel Rivas con Campo aberto, o historiador ourensán Marcos Valcárcel e a súa Historia de Ourense, e o coengo Enrique Bande, que ofrece Chamoso Lamas.
O xurado calificador do certame, presidido polo alcalde carballiñés, Carlos Montes, reunirase o vindeiro 25 de abril para emitir o fallo do premio, que será entregado no Pazo de Moldes, en Boborás, o día 13 de xuño.
O xurado calificador do certame, presidido polo alcalde carballiñés, Carlos Montes, reunirase o vindeiro 25 de abril para emitir o fallo do premio, que será entregado no Pazo de Moldes, en Boborás, o día 13 de xuño.
