o Consello da Xunta de Galicia ten previsto declarar hoxe as novas Festas de Interese Turístico de Galicia, entre as que figura a Festa de Exaltación do Pan de Cea .
A antigüidade dos eventos, dun mínimo de dez anos, a súa singularidade, así como o seu arraigo e valor cultural, foron os criterios que se tiveron en conta á hora do seu recoñecemento oficial dende a Secretaría Xeral para o Turismo. A declaración ten importantes repercusións sobre a dinamización económica e social da localidade onde se celebra e constitúe ademais un recoñecemento especial ao evento festivo. Segúndo fontes da Xunta, 'outórgalle unha difusión que transcende os ámbitos territoriais propios e contribúe á promoción dos recursos turísticos, tanto do lugar de celebración como da comarca'. O pan de Cea é o único de Europa que conta co distintivo de Indicación Xeográfica Protexida, o que xustifica a súa singularidade dentro das festas galegas.
