Olimpio Liste e a súa dona Josefina Fernández recibiron onte a homenaxe do Centro de Estudios Chamoso Lamas do Carballiño pola laboura de recuperación e revalorización do patrimonio etnográfico. O creador do Museo de Oseira asegurou que sería mellor que as pezas dos museos estivesen aínda cumprindo a súa función.
A presidenta do Centro de Estudios Chamoso Lamas da Comarca do Carballiño, Rosa Ricoy, fixo entrega dos Torques de Honra 2009 ó matrimonio formado por Olimpio Liste e Josefina Fernández, nun acto que se desenvolveu na noite de onte na Casa da Cultura da vila do Arenteiro.
O premio instaurado polo colectivo de investigadores o ano pasado foi concedido ós fundadores do Museo de Oseira, que na actualidade acolle máis de 10.000 pezas, pola súa traxectoria na recuperación, conservación e revalorización do patrimonio galego, tal e como acordou a asamblea do Centro de estudios o pasado 22 de novembro. Rosa Ricoy fixo referencia a creación do Museo Liste ó carón do Mosteiro de Oseira no ano 1968, inaugurado oficialmente en 1972.
Amigos
A presidenta da asociación resumiu a historia de Olimpio e Josefina sinalando que as vosas vendimas están feitas e o mosto xa ferve na cuba. Olimpio Liste manifestou atoparme entre amigos, e por iso non vos dou as gracias polo premio, e sinalou que, eu, que teño dous museos etnográficos en Oseira e en Vigo, estou en contra deles e non me gustan. O galardonado xustificou esta afirmación apuntando que comparo os museos cos zoos, onde están os animais en cautividade e non no seu hábitat natural. Neste sentido, Liste engadiu que as pezas que están gardadas nos museos deberían aínda estar cumprindo a súa función no lugar de onde foron rescatadas.
Á sesión celebrada na Casa da Cultura acudiron socios do grupo de investigación, o ex-delegado provincial de Medio Ambiente, Francisco Fumega, entre eles, e tamén o actual director do Museo Etnolóxico de Ribadavia, Xosé Carlos Sierra, que tamén fora responsable en Ourense do departamento autonómico de Cultura.
Lembranza de Manuel Chamoso Lamas
O acto organizado pola directiva do colectivo de investigadores tamén serviu para rendir unha pequena homenaxe á figura de Manuel Chamoso Lamas e a súa traxectoria como defensor do patrimonio histórico e artístico a nivel nacional.
O ex-presidente do Centro de estudios, Xosé Manuel Sobrado Pérez, indicou que en 2009 estase a cumprir o aniversario do seu nacemento, e dentro do programa de actividades que imos levar a cabo está a montaxe dunha exposición de fotografías que recolle, sobre todo, as imaxes que Chamoso Lamas fixo das igrexas, castros e monumentos das comarcas do Ribeiro e Carballiño.
Sobrado Pérez lembrou os traballos do arqueólogo historiador oriundo de Moldes (Boborás) na recuperación de Pazos de Arenteiro, Mosteiro de Oseira e as súas propostas para restauración do castelo, murallas e casco his tórico de Ribadavia, cando Manuel Chamoso era director xeral de Patrimonio do Estado.
A mostra será inaugurada o vindeiro sábado 26 de decembro, ás oito da tarde, na sala de exposicións do Auditorio municipal do Carballiño. Un dos discípulos máis aventaxados de Chamoso Lamas, o carballiñés Felipe Senén López, será o encargado de impartir unha conferencia encol da vida e a obra do que foi o seu mestre.
O premio instaurado polo colectivo de investigadores o ano pasado foi concedido ós fundadores do Museo de Oseira, que na actualidade acolle máis de 10.000 pezas, pola súa traxectoria na recuperación, conservación e revalorización do patrimonio galego, tal e como acordou a asamblea do Centro de estudios o pasado 22 de novembro. Rosa Ricoy fixo referencia a creación do Museo Liste ó carón do Mosteiro de Oseira no ano 1968, inaugurado oficialmente en 1972.
Amigos
A presidenta da asociación resumiu a historia de Olimpio e Josefina sinalando que as vosas vendimas están feitas e o mosto xa ferve na cuba. Olimpio Liste manifestou atoparme entre amigos, e por iso non vos dou as gracias polo premio, e sinalou que, eu, que teño dous museos etnográficos en Oseira e en Vigo, estou en contra deles e non me gustan. O galardonado xustificou esta afirmación apuntando que comparo os museos cos zoos, onde están os animais en cautividade e non no seu hábitat natural. Neste sentido, Liste engadiu que as pezas que están gardadas nos museos deberían aínda estar cumprindo a súa función no lugar de onde foron rescatadas.
Á sesión celebrada na Casa da Cultura acudiron socios do grupo de investigación, o ex-delegado provincial de Medio Ambiente, Francisco Fumega, entre eles, e tamén o actual director do Museo Etnolóxico de Ribadavia, Xosé Carlos Sierra, que tamén fora responsable en Ourense do departamento autonómico de Cultura.
Lembranza de Manuel Chamoso Lamas
O acto organizado pola directiva do colectivo de investigadores tamén serviu para rendir unha pequena homenaxe á figura de Manuel Chamoso Lamas e a súa traxectoria como defensor do patrimonio histórico e artístico a nivel nacional.
O ex-presidente do Centro de estudios, Xosé Manuel Sobrado Pérez, indicou que en 2009 estase a cumprir o aniversario do seu nacemento, e dentro do programa de actividades que imos levar a cabo está a montaxe dunha exposición de fotografías que recolle, sobre todo, as imaxes que Chamoso Lamas fixo das igrexas, castros e monumentos das comarcas do Ribeiro e Carballiño.
Sobrado Pérez lembrou os traballos do arqueólogo historiador oriundo de Moldes (Boborás) na recuperación de Pazos de Arenteiro, Mosteiro de Oseira e as súas propostas para restauración do castelo, murallas e casco his tórico de Ribadavia, cando Manuel Chamoso era director xeral de Patrimonio do Estado.
A mostra será inaugurada o vindeiro sábado 26 de decembro, ás oito da tarde, na sala de exposicións do Auditorio municipal do Carballiño. Un dos discípulos máis aventaxados de Chamoso Lamas, o carballiñés Felipe Senén López, será o encargado de impartir unha conferencia encol da vida e a obra do que foi o seu mestre.