A xunta de goberno aprobou os tres períodos de cobro voluntario de impostos a partir do 1 de febreiro
A Xunta de Goberno do Carballiño aprobou os tres períodos de cobro voluntario e o anuncio e cobranza para os tributos de carácter periódico anual. Así, o imposto sobre vehículos de tracción mecánica poderá pagarse desde o 1 de febreiro ao 3 de abril. O derradeiro día para domiliar este recibo será o 20 de xaneiro.
A taxa do lixo (1º semestre); taxa de vaos e reservas de vía pública para aparcamento, carga e descarga; taxa por ocupación de vía pública con postos, barracas, casetas de venda, espectáculos, atraccións ou recreo situados en terreos de uso público, así como industrias da rúa e ambulantes, e taxa de caixeiros automáticos, poderán pagarse desde o 2 de maio ao 3 de xullo. O derradeiro día para domiciliar o pagamento será o 4 de abril.
Ademais, o imposto sobre bens inmobles de natureza urbana e rústica (IBI); imposto sobre actividades económicas; taxa sobre recollida de lixo (2º semestre), o período será desde o 1 de setembro ao 2 de novembro, sendo o derradeiro día para domiciliar o 1 de agosto, segundo informan os responsables municipais.
