O público do Festival do Teatro Galego do 2023 elexiu a montaxe “De algo hai que morrer”
O alcalde do Carballiño, Francisco Fumega, entregaba onte o Premio ao mellor espectáculo “Dorotea Bárcena 2023”, do Festival do Teatro Galego (Fetega), a Malasombra Producións, polo seu espectáculo “De algo hai que morrer”. Trátase da obra elexida polo público nesta última edición do festival que acaba de celebrarse, segundo apuntaba o director, Carlos Ledo, no transcurso do acto no que recibía o galardón Xoque Carbajal, acompañado de Jouse García, e no que tamén participou, como membro da organización, María del Carmen Fernández.
Ledo fixo o chamamento aos mozos para que se sumen á organización nos próximos anos e destacou os bos resultados do cambio de data que permite ter dispoñibles estreas, xa que ata agora celebrábase no verán, e tamén valorou de maneira positiva a apertura do diálogo “coas institucións”, entidades privadas e centros educativos.
En canto á calidade dos espectáculos a calificación do festival é de un 9, o que indica que “o público entendeu a proposta que fixemos e que saliu contento”, sinalaba.
Xoque Carbajal transmitía o agradecemento ao Fetega, ao Concello de Carballiño e ao público. “Estamos a recibir o premio que máis nos importa, que é o do público”, manifestando os seus desexos de que siga adiante o festival, aínda á espera do relevo.
