A Consellería de Medio Ambiente, Territorio e Infraestruturas, a través de Augas de Galicia, acometerá melloras do abastecemento de auga en tres núcleos do Irixo. Concretamente, as obras executaranse en O Irixo de Enriba, Vila e Ponte Irixo. Deste xeito, o departamento que dirixe Agustín Hernández subvencionará o 100 por cento do importe das obras, que se eleva a máis de 300.000 euros.
O obxetivo consiste en aumentar a eficiencia do servizo mediante a mellora da captación, da rede e a construción dun novo depósito. Acondicionarase a represa cun novo muro de material xeotéxtil e grava, e instalarase un novo pozo de rexistro con ventosa. As tubaxes necesarias para esta actuación medirán case dous quilómetros. Este proxecto de mellora do abastecemento tamén implicará a construción dun depósito semienterrado de 200 metros cúbicos.
Medio Ambiente considera necesaria esta intervención debido a que a rede de abastecemento ten máis de 40 anos e presenta graves deficiencias nos últimos tempos.
Medio Ambiente considera necesaria esta intervención debido a que a rede de abastecemento ten máis de 40 anos e presenta graves deficiencias nos últimos tempos.
