O grupo de teatro Tiruleque organiza a Mostra de Teatro Amador no Carballiño, que se desenvolverá durante o mes de outubro, no auditorio da vila.
O grupo de teatro Tiruleque organiza a Mostra de Teatro Amador no Carballiño, que se desenvolverá durante o mes de outubro, no auditorio da vila. José Prada presentou a programación, que comenzará este venres coa obra de Tiruleque “Media de Callos”, na que se estrea como director Victor Tato. Representarase o 2 de outubro, as 22,30, e ó día seguinte, ás 21,00 horas.
Nesa mesma fin de semana, pero xa o día 4, a compañía Piollo Teatro, porá en escena "Espermatozoides". O 10 de outubro será o turno da compañía de Antas de Ulla, Grupo Teatral Rosalía, con “Os cravos de prata”, e o domingo día 11, Faradoleiras Cabaré, de Oleiros, mostrará “Un cabaret de película”. Os días 17 e 18 tocaralle o turno as compañías Ateaco e Nostrum Cai Teatro Danza, cas montaxes “Eirugas” e “Alba. A casa pechada” respectivamente. A programación continuará o día 24 con Argallada Teatro e “O Anel Máxico”; o 25, Farrapo Teatro de Santiago, con “Frío”; o 31, O Aturuxo de Melpómene porá sobre o esceario “Desencaixados” e 1 de novembro Delatoute Prod e a "Miña gran mansión".
