O Auditorio municipal do Carballiño acolle mañá domingo un festival de polifonía promovido pola Federación Coral Galega e a Dirección Xeral de Difusión Cultural da Xunta. O certame comezará ás sete do serán e nel participarán as corais de Poio (Pontevedra); Amistad, da Asociación de Veciños do Coutro (Narón, A Coruña) e a anfitriona, que é a Polifónica do Casino Cultural do Carballiño.
O presidente da agrupación carballiñesa, Antonio Rey Cornide, sinalou que, independentemente do número de cancións que ofreza cada coral, a metade do reperterio ten que ser en galego e ó remate do festival os tres grupos interpretaremos conxuntamente dúas pezas. Engade que esta é a segunda edición que organizamos no Carballiño, dentro do programa autonómico de 60 concertos anuais, que se dividen en tres bloques de primavera, verán e outono cun orzamento de 72.000 euros.
Antonio Rey comenta que, ademais das cancións en galego, hai outro requisito, que consiste en que nos certames actúan tres corais e ó menos unha ten que ser de fóra da provincia. Neste caso, a coral carballiñesa optou por invitar a dúas agrupacións de Pontevedra e A Coruña. O presidente do grupo polifónico agradeceu a colaboración da Xunta polo seu apoio á difusión da música das corais galegas, e do Concello do Carballiño por deixarnos o auditorio.
Antonio Rey comenta que, ademais das cancións en galego, hai outro requisito, que consiste en que nos certames actúan tres corais e ó menos unha ten que ser de fóra da provincia. Neste caso, a coral carballiñesa optou por invitar a dúas agrupacións de Pontevedra e A Coruña. O presidente do grupo polifónico agradeceu a colaboración da Xunta polo seu apoio á difusión da música das corais galegas, e do Concello do Carballiño por deixarnos o auditorio.
