O Consello Regulador da Indicación Xeográfica Protexida (IXP) do Pan de Cea ultima os preparativos para a festa de exaltación deste tradicional producto da comarca, que se celebrará nesa localidade o domingo 4 de xullo. Tendo en conta o éxito da edición anterior, os representantes do consello reuníronse a pasada semana cos panadeiros, co obxectivo de mellorar a producción de pezas para data sinalada.
'Nesta xuntanza acordamos incrementar en máis dun 30% o número de pezas, que pasarán das 1.500 que coceron os 17 fornos o ano pasado ás 2.000 deste ano', sinalou Carlos Manuel Rodríguez, presidente da entidade reguladora.
O festexo, na súa edición número 19, terá como marco a paraxe do Campo da Saleta, e contará co artista Moncho Borrajo como pregoeiro de excepción. No recinto feiral instalaranse, como cada ano, diferentes casetas correspondentes ás denominacións de orixe, indicacións específicas e productos de calidade declarados como tales pola Unión Europea, con degustacións para os asistentes.
O festexo, na súa edición número 19, terá como marco a paraxe do Campo da Saleta, e contará co artista Moncho Borrajo como pregoeiro de excepción. No recinto feiral instalaranse, como cada ano, diferentes casetas correspondentes ás denominacións de orixe, indicacións específicas e productos de calidade declarados como tales pola Unión Europea, con degustacións para os asistentes.
