O grupo municipal do PSdeG no Concello do Carballiño afirma sentirse moi preocupado pola continuidade das Xornadas de Cine e Vídeo de Galicia (Xociviga), tendo en contra que se trata 'dun dos actos culturais máis relevantes que se celebran dende hai moitos anos e que sen dúbida non sería de recibo deixar que se perdera'.
Nese senso, sinalan que 'agora vémonos sorprendidos por unhas declaracións do edil de cultura, Rodrigo González Hermida, a quén lle corresponde a organización do evento este ano, nas que manifesta que o goberno anterior non deixou nada preparado e que en edicións pasadas eran as concelleiras de Cultura , Inmaculada Ucha e Asunción Rivero, as que asumían de forma persoal a coordinación das xornadas, e que polo tanto non se ve capaz de organizalas'.
Os socialistas afirman que as bases do certame están asentadas tras superar carencias coma a dos proxectores e a falta de persoal técnico preparado, contando agora con xente con coñecementos nese senso, polo que consideran inxustificable que non se organicen.
Os socialistas afirman que as bases do certame están asentadas tras superar carencias coma a dos proxectores e a falta de persoal técnico preparado, contando agora con xente con coñecementos nese senso, polo que consideran inxustificable que non se organicen.