As froitas de tempada, combinadas con outros ingredientes culinarios, serán protagonistas da nova edición da Ruta das Tapas que teñen programado para o próximo venres
As froitas de tempada, combinadas con outros ingredientes culinarios, serán protagonistas da nova edición da Ruta das Tapas que teñen programado para o próximo venres, 29 de abril, a Concellería de Turismo e os establecementos hostaleiros do Carballiño inscritos nesta iniciativa.
Como cada último venres de mes, dende o pasado outono, estase realizando esta singular promoción dos mesóns e bares carballiñeses, que ofertan pinchos ao prezo de 1 euro, acadando un éxito extraordinario tanto entre os veciños da vila como entre os numerosos visitantes.
Nesta ocasión, a ruta vaise dedicar aos concellos de toda a comarca, e o próximo xoves presentarase unha mostra das tapas que ofrecerán os 29 establecementos hostaleiros aos seus clientes, nun acto no que participarán representantes de todos os concellos da comarca do Carballiño.