A titular de Medio Rural comprometeuse a estudar a proposta e, se cumpre cos obxectivos establecidos, porá en marcha o proceso de reestruturación parcelaria
O alcalde do Irixo, Manuel Penedo, trasladou onte á conselleira do Medio Rural en funcións, Ángeles Vázquez, a solicitude formal para iniciar o procedemento de reestruturación parcelaria da parroquia de San Cosme de Cusanca. Esta petición acompañouna o rexedor municipal coas sinaturas de preto de 200 veciños interesados, así como co acordo adoptado neste mesmo sentido pola Xunta de Goberno local.
A titular de Medio Rural comprometeuse a estudar a proposta e, se cumpre cos obxectivos establecidos, porá en marcha o proceso de reestruturación parcelaria, empezando por realizar os preceptivos estudos do terreo.
