Un total de 30 veciños da parroquia carballiñesa de Santa Uxía de Lobás comezaron onte un curso de aprendizaxe encol das enfermidades das plantas de cultivo e o seu tratamento. En horario de 19.30 a 22.30 horas, istes labregos disporán ata o vindeiro 30 de outubro dun extenso programa de contidos, gracias o financiamento da asociación veciñal da localidade, que aportou 16 euros por cada alumno.
Así, na xornada inaugural, os veciños coñeceron as principais pragas que afectan os cultivos, os danos que producen e os métodos actuais para a súa prevención, control e tratamento, mentres hoxe recibirán nocións sobre a producción ecolóxica a nivel agrícola.
Nos días seguintes, os profesores do cursiño ensinarán ós veciños de Lobás a normativa sobre prevención de riscos laborias, medidas preventivas e de protección no uso de produtos fitosanitarios, infraccións e sancións, e a protección do medio ambiente. Neste sentido, o programa inclúe temas como son a perigosidade dos fitosanitarios e os seus residuos e os problemas derivados pola súa intoxicación, con especial atención ós primeiros auxilios, ademais da preparación dos productos ó traverso de mixturas e dosificación. Finalmente, nas dúas últimas xornadas do curso, haberá clases prácticas do manexo da maquinaria e como se aplican os tratamentos.
Magosto
Por outra banda, os veciños de Santa Uxía de Lobás reuniranse o vindeiro 8 de novembro para celebrar os magostos, na carballeira da Madanela, a partir das 14.00 horas. O prezo é de 15 euros para os asociados.
Nos días seguintes, os profesores do cursiño ensinarán ós veciños de Lobás a normativa sobre prevención de riscos laborias, medidas preventivas e de protección no uso de produtos fitosanitarios, infraccións e sancións, e a protección do medio ambiente. Neste sentido, o programa inclúe temas como son a perigosidade dos fitosanitarios e os seus residuos e os problemas derivados pola súa intoxicación, con especial atención ós primeiros auxilios, ademais da preparación dos productos ó traverso de mixturas e dosificación. Finalmente, nas dúas últimas xornadas do curso, haberá clases prácticas do manexo da maquinaria e como se aplican os tratamentos.
Magosto
Por outra banda, os veciños de Santa Uxía de Lobás reuniranse o vindeiro 8 de novembro para celebrar os magostos, na carballeira da Madanela, a partir das 14.00 horas. O prezo é de 15 euros para os asociados.
