O Centro Cultural Daniel Vázquez Gulías e o Centro de Estudios Chamoso Lamas organizan no Carballiño unhas Xornadas Monográficas de Arquitectos
O Centro Cultural Daniel Vázquez Gulías e o Centro de Estudios Chamoso Lamas organizan no Carballiño unhas Xornadas Monográficas de Arquitectos, adicadas ao arquitecto Vázquez Gulías. Desenvolveranse os días 14 e 15 de outubro, na Casa da Cultura, e contarán coa participación de arquitectos, urbanistas, historiadores e deseñadores, que exporán diversos aspectos da obra arquitectónica de Daniel Vázquez Gulías en Galicia.
No acto inaugural, previsto para as 11,00 horas de mañá, intervirán os alcaldes de Ourense, Carballiño, Maside e O Grove; o conselleiro de Cultura e o secretario xeral de Política Lingüística; o presidente do Colexio de Arquitectos de Ourense; o vicerrector do Campus de Ourense, e os presidentes do Centro de Estudios Chamoso Lamas e do Centro Cultural Daniel Vázquez Gulías. As charlas serán impartidas por Manuel Gallego Jorreto, Alberto de Paula, José Luis Paulos, Celso Rodríguez, Óscar Gónfer, Luis Pérez de Juan, Francisco Javier González, Jesús Ángel Sánchez, Pedro Seara e Carlos Paz.
