A Biblioteca Municipal de Ribadavia está a ser un activo elemento de dinamización cultural na capital do Ribeiro, segundo apuntou o concelleiro responsable deste servicio, Anxo Collarte. Nese senso, destacan os pasos dados para renovar os fondos bibliográficos, diversificar a oferta no ámbito do audiovisual, o cómic ou o libro infantil e o labor que se desenvolveu nestes últimos anos para ampliar os espazos e dotalos de novo mobiliario e equipamento informático.
En consecuencia, sinala o edil que 'aumentaron os materiais disponibles, os usuarios e os préstamos, ao tempo que se seguiu a obter subvencións de programas autonómicos (Programa Letras Vivas) e estatais (Premio María Moliner) para o fomento das bibliotecas públicas'.
Despois de desenvolver un activo programa para achegar a biblioteca á xente, en especial ao público infantil, con actividades paralelas conmemorativas das festividades culturais, obradoiros de lectura, conto ou cómic, incidirase agora en atraer ás persoas maiores. Nese obxectivo enmárcase a visita que o vindeiro mércores 30 de marzo realizarán persoas da terceira idade residentes na Fundación Nosa Señora dos Anxos, que coñecerán de primeira man as instalacións da Biblioteca e recibirán un libro de agasallo. Por outra banda tamén se lle deu continuidade ao programa 'Lendo espero', que se ofrece na sala de pediatría do centro de saúde.
Despois de desenvolver un activo programa para achegar a biblioteca á xente, en especial ao público infantil, con actividades paralelas conmemorativas das festividades culturais, obradoiros de lectura, conto ou cómic, incidirase agora en atraer ás persoas maiores. Nese obxectivo enmárcase a visita que o vindeiro mércores 30 de marzo realizarán persoas da terceira idade residentes na Fundación Nosa Señora dos Anxos, que coñecerán de primeira man as instalacións da Biblioteca e recibirán un libro de agasallo. Por outra banda tamén se lle deu continuidade ao programa 'Lendo espero', que se ofrece na sala de pediatría do centro de saúde.
