O grupo socialista tamén demanda que se estudie a posibilidade de manter conversas con empresas subministradoras, "co fin de poder extender esta rede"
O PSOE de Leiro impulsará unha iniciativa co fin de activar a instalación dunha rede de fibra óptica neste municipio do Ribeiro. Na proposta, os socialistas reclaman ó grupo de goberno do PP que "se interese e execute a instalación da fibra óptica utilizando todos os medios ó seu alcance, para que Leiro deixe de ser de outro século no sector das telecomunicacións, que impide o crecemento e fomenta o atraso e o illamento". O grupo socialista na Corporación de Leiro tamén demanda que se estudie a posibilidade de manter conversas con empresas subministradoras, "co fin de poder extender esta rede, e que se dea algún tipo de facilidade ou incentivo para que a acometida destas obras sexa do interese para as mesmas".
O voceiro socialista, Manuel Rodríguez, salienta que "as telecomunicacións son imprescindibles para o desenvolvemento e crecemento de calquera comunidade no século XXI, polas múltiples aplicacións que teñen para a vida diaria". O edil do PSOE de Leiro engade que "é imprescindible actuar xa para mudar esta situación, porque é incomprensible que un municipio como o noso, esté ancorado no século pasado por culpa do desleixo do actual goberno local do PP".
