El PSdeG-PSOE de Leiro afirma que o alcalde do Partido Popular, Francisco José Fernández, vulnera os principios da Lei de Transparencia, acceso á información e bo goberno, ao negarse a facilitar copia do expediente e das facturas da Festa da Vendima e da Carreira Popular das edicións de 2021. Os socialistas consideran que este xeito de actuar “obedece, unha vez máis, á política escurantista do rexedor” ao que acusan de “impedir o acceso a documentación de carácter pública”. Así, reclaman que “permita acceder á información completa” en formato electrónico ou papel.
Francisco José Fernández asegura que o portavoz socialista, Manuel Rodríguez, “estivo vendo as facturas o tempo que quixo e tomando notas delas”, e lémbralle que “só é obriga facer copias cando van ao pleno”, engadindo que sempre ten acceso á documentación “con total transparencia, nunca puxen trabas a ninguén”.
