“A aposta por un ‘centro de IA’ ten que ter sentidiño"

O Centro Galego de Innovación da Formación Profesional, o crecemento do Campus de Ourense ou os equipamentos culturais do complexo de San Francisco son algúns dos proxectos pendentes da Consellería de Cultura e Educación na provincia. É necesario que o Campus medre. Está de acordo? Se a UVigo plantexa novas titulacións, terase que debatir. Estou seguro que calquera proposta intelixente será apoiada. Este Campus ten unha das carreiras con maior futuro de Galicia e España, Enxeñaría Aeronáutica. Seguirá apoiándose o Centro galego de Innovación na FP? Si. O feito de que Ourense teña este centro sitúa á cidade e a provincia nun lugar de honor dentro dos estudos de FP. Ourense deu un paso adiante en calidade e emprendemento. Vai ser un elemento tractor para o mundo formativo, laboral e empresarial, que vai ter os mellores profesionais. O Concello de Ourense presentou un Centro de Intelixencia Artificial. Esta disciplina garda relación coas universidades. Á súa Consellería chegoulle información do proxecto?Invitáronos a participar? Carecemos de información deste proxecto, é do Concello de Ourense e todo o do Concello ás veces é algo confuso. É unha aposta, pero hai que facelo con sentidiño común. E considera que está feito con sentidiño común? Teriamos que ter máis información e máis coñecemento, tería que plantexarse dentro dunha lóxica e dun sentido. Como iniciativa, teremos que ver como funciona e se os ambiciosos enunciados dos seus inicios se cumpren. Veremos que dinámicas se plantexan. De darse o caso, valorarían colaborar economicamente? Non fomos invitados en ningún momento a esta iniciativa. Co cal, se se produce un plantexamento, teremos que velo. Unha administración educativa con competencias en Universidade e FP ten que traballar con moito sentido e rigor e non a golpe de ocorrencia do momento. Na Xunta témolo claro no ámbito das universidades, de feito estamos traballando en aspectos de futuro e temos que traballar con moito rigor e non improvisar. E non con ideas de momentos conxunturais, que, sen negar a súa validez, hai que reposalas e contextualizalas e, sobretodo, xerar un ecosistema no seu entorno. En febreiro chegará a Ourense a exposición de Nós. Galicia non sería o que é hoxe sen a xeración Nós. Hai 100 anos cambiou a visión de nós mesmos. Galicia é unha cultura aberta, tolerante e que busca simbioses. No ano 2021 contémplanse unha serie de accións e eventos nos que Ourense será o epicentro da forza cultural de Nós. Preocupa a carreira da Ribeira Sacra para ser Patrimonio da Humanidade coa pandemia? Se non hai nada raro, o 2021 poderemos dicir que é Patrimonio da Humanidade. Vai ser un cambio absoluto para un territorio do interior de Galicia. Isto terá unha trascendencia importantísima a nivel social e económico. O Goberno informa de achados inesperados nas obras do Museo Arqueolóxico de Ourense e de retraso nos traballos. É moi posible que nunha zona histórica apareza un xacemento arqueolóxico, pero non pode ser excusa para máis atrasos. É un proxecto cultural de nivel para toda Galicia que xestionará a Consellería de Cultura. Xunto con grandes investimentos como a Biblioteca Nós e o Arquivo Provincial, están dotando a esta cidade de equipamentos de altísimo nivel. Hai que poñer en valor o gran complexo de San Francisco. Que plans ten para Ourense? En Educación o máis importante é que Ourense teña un sistema educativo que posibilite que calquera neno de Ourense teña as mesmas oportunidades educativas que se nacese en calquera cidade de Galicia e de España. Un neno de aldea dun pequeno concello ourensán ten que ter os mesmos servizos que se tivese nacido nunha rúa céntrica de Madrid. Desde o punto de vista cultural, creo que Ourense ten na cultura un elemento fundamental de dinamización económica vencellado a un turismo cultural. Se sumamos dentro de poucos meses a chegada do AVE, Ourense vai ser a porta de Galicia e dende aí podemos ter un proxecto de accións culturais que son unha oportunidade moi boa. n