O Concurso de Beléns Públicos fixo entrega dos galardóns nun acto celebrado esta mañá
O xurado do XXI Concurso de Beléns Públicos de Ourense vén de decidir os nomes dos gañadores nas diferentes categorías do certame, ao que se presentaron 22 propostas dentro da cidade.
Estarán abertos a cidadanía en lugares como escaparates ou mostradores.
Na modalidade de entidades, na que podían participar todas as asociacións sen ánimo de lucro e establecementos comerciais debidamente acreditados, os gañadores foron os seguintes:
1º Premio (400 €) - Residencia Nosa Señora da Esperanza (A Farixa)
2º Premio (300 €) - Residencia As Flores (Santa Cruz de Arrabaldo)
No tocante aos beléns familiares, instalados nos domicilios particulares:
1º Premio (300 €) - América Vázquez Barreiro
2º Premio (200 €) - Nerea Barxa Corral
Entre os centros escolares, para todos aqueles beléns confeccionados por alumnado de ensino non universitario
1º Premio (300 €) - CPC Cisneros (Emilia Pardo Bazán 21)
2º Premio (200 €) - CEIP O Couto (Rampa de Sás)
O Premio á orixinalidade (300 €), para o belén máis creativo e singular nos materiais e no deseño xeral da montaxe, recaeu na panadaría Ansuíña
O alcalde de Ourense, Jesús Vázquez, alabou a capacidade creativa dos participantes no acto de entrega de diplomas: "Son os belenistas que, fieis á tradición secular, decoran centros de ensino, escaparates de comercios, residencias, vitrinas, ou aínda casas particulares, abertas ao público, que se converten en fermosas homenaxe á festa e convite ao seu desfrute"
