O conselleiro de Sanidade Julio García Comesaña ponía o foco na súa intervención na importancia dos avances nos tratamentos do cancro e na labor da ourensá María Blanco-Prieto, presidenta da Federación Europea de Ciencias Farmacéuticas. Julio García Comesaña destacou a labor de María Blanco-Prieto e adicou algunhas verbas sobre a especialista natural de Trives e o seu proxecto.
"O seu achegamento ao cancro infantil mereceu o máis alto recoñecemento por parte da Asociación Española contra o Cancro", recordou o conselleiro. E é que Julio García quixo recalcar as concusións de diferentes ideas de María, comentando o papel da "encapsulación de fármacos fitotóxicos en nanopartículas" que fai posible "a liberación sostida, unha mellor acumulación no tecido tumeral e o aumento da biodisponibilidade e a mellora no indice terapeutico".
García destacou tamén "o impacto do traballo de María en diversos ámbitos terapéuticos", enumerando o campo da antibioterapia, da cardioloxía e, especialmente, no tratamento do cancro infantil: "Entendemos os nanofármacos como eses pequenos mensaxeiros que levan medicamentos onde é necesario. Polo tanto, non os deixa onde non o é e disminue moito a súa toxicidade".
O conselleiro de Sanidade destacaba o "pracer" que era para él escoitar a Blanco Prieto no Foro La Región, entre outras cousas, porque na Xunta teñen "un proxecto cun centro en Santiago de terapias avanzadas no que traballamos con nanoterapias", o tema principal da ponencia.
