Onte, as persoas traballadoras e colaboradoras de Cruz Vermella saíron ás rúas da cidade para vender boletos do Sorteo do Ouro, e deste xeito achegar aos ourensáns a posibilidade de colaborar coa institución.
A venda destes boletos permite incrementar a captación de fondos propios que se destinarán aos programas e proxectos sociais que se desenvolven na provincia. A inauguración das mesas tivo lugar ao mediodía no Parque de San Lázaro. En cadansúa punta da rúa do Paseo, en Juan XXIII, en Valle Inclán e en Santo Domingo, atópanse os outros puntos nos que se emprazaron o resto de mesas. Xornadas destas características repetiranse os días 2, 7, 15 e 21 de xullo.
