O voceiro de DO asegurou que durante a súa etapa como xefe do Departamento de Persoal con Manuel Cabezas, Rodríguez Nóvoa "enchufou sen informes previos 25 persoas"
O voceiro de Democracia Ourensana (, Gonzalo Pérez Jácome, presentou unha denuncia contra o actual xefe da área de Persoal do Concello de Ourense, Javier Rodríguez Nóvoa, por un suposto delito de prevaricación ao "enchufar de forma descarada 25 persoas na súa anterior etapa no Concello", durante o último mandato do popular Manuel Cabezas á fronte da corporación local (2003-2007).
"É unha prevaricación de libro, practicamente igual á que fixo Baltar pai cando foi inhabilitado por enchufar 100 persoas para conseguir que o seu fillo fose o seu descendente no poder", dixo o líder de DO momentos antes de presentar a denuncia ante a Fiscalía nos xulgados de Ourense.
Jácome confirmou que a súa formación política "vai comparecer" como acusación particular contra o actual xefe de persoal, Javier Rodríguez Nóvoa, "enchufado polo alcalde de Ourense" e sinalou que DO vai pedir que se lle inhabilite durante dez anos para que "se"teña que ir para casa con suspensión de emprego e soldo".
O voceiro de DO asegurou que durante a súa etapa como xefe do Departamento de Persoal con Manuel Cabezas, Rodríguez Nóvoa "enchufou sen informes previos" 25 persoas, das cales "algún xa está xubilado".
"En abril e maio de 2007, antes de que o PP perdese as eleccións e para curarse en saúde meteron aos seus sen facer o que marca a lei", insistiu Pérez Jácome, quen negou interese electoral na presentación da denuncia, senón que se presenta "días" despois de que o Concello "lles"facilite" os documentos.
Nas súas declaracións o líder de DO tamén acusou "os seguintes" (o bipartito do PSOE e BNG) de "non realizar a denuncia" cando sucederon aos `populares` á fronte do Concello "porque fixeron un cambio de cromos".
"Tirando da manta atopamos unha corrupción en serie", dixo un Pérez Jácome, que avisou de que a súa formación vai estudar que pasou durante os anos do bipartito.
Oposición ao regreso de Rodríguez Nóvoa
En xuño os tres partidos da oposición do Concello -DO, PSOE e Ourense en común- acusaron o goberno local do `popular` Jesús Vázquez de facer "un traxe a medida" para contratar a Javier Rodríguez Nóvoa como xefe de Recursos Humanos, un cargo similar ao que gozara no ano 2007 cando foi xefe do Departamento de Persoal na última etapa do goberno de Manuel Cabezas (PP).
Os voceiros das tres formacións criticaron o que cualificaron como "serias dúbidas" sobre o procedemento de concurso e alertaron de que durante a súa anterior etapa no Ayuintamiento Rodríguez Nóvoa fora responsable de contratacións irregulares.
