Axentes da Guardia Civil detiveron tres individuos veciños de Ourense como presuntos autores da subtracción de torres metálicas do tendido eléctrico na poboación da Pobra do Brollón (Lugo).
Segundo informou a Guardia Civil de Lugo, na localidade da Pobra do Brollón foron detidos tres individuos de 20, 42 e 43 anos de idade como presuntos autores dun delito de furto de material.
Os feitos aconteceron no barrio da Estación da localidade luguesa, onde os tres detidos se atopaban cortando con soldadura autóxena (osixeno e butano) varias torres metálicas do tendido eléctrico, que cargaron toradas nun camión da súa propiedade.
No momento da súa identificación tiñan cortadas cinco torres das nove que se atopaban no lugar e dúas delas xa estaban cargadas no camión, segundo sinalaron as mesmas fontes.
As tres persoas detidas en relación cos citados feitos foron postas a disposición xudicial.
