Onte estreouse, ás 21 horas no Teatro Principal, “Ata aquí Orlando”, unha obra enmarcada na programación da Miteu 2021. Esta produción está baseada nos textos sobre a personaxe Orlando de dúas escritoras: Virginia Woolf e Sarah Rulh, polas que a autora e directora, Fina Calleja, sinte especial admiración.
Nervios por estrear no Teatro Principal?
É un día moi excitante, sobre todo porque para moitos dos alumnos de Cordelia é a primeira vez que se van subir ás taboas do Teatro Principal. Polo tanto, dende onte hai a excitación e o nervio necesario para que ás nove da noite todo saia ben.
Que significado teñen para Fina Calleja Virginia Woolf e Sarah Rulh?
Virginia Woolf é unha referente da literatura universal, e este personaxe, Orlando, é un personaxe engaiolante. E Sarah Rulh é unha das voces máis potentes da dramaturxia norteamericana actual, e creo que en España é moi descoñecida. Ten unha gran destreza en todo o que significa o control do espazo e do tempo no teatro.
Que toque persoal ten este Orlando?
Aínda que está moi baseado no de Rulh, que á súa vez está baseado no de Woolf, pero aportándolle un toque actual, tratando temas que Woolf deixou no tinteiro.
Por que recomendaría ir a ver “Ata aquí Orlando”?
Recomendaría ver todas as pezas da Miteu 2021, porque a cultura foi un dos sectores máis maltratados pola pandemia, e espero, dende a reflexión e o desenfado, facer pasar uns 50 minutos moi agradables ao público que veña. Temos ganas de volver a compartir espazo e respirar xunto co público.