A Subdelegación do Goberno en Ourense, por delegación de competencias do Ministerio do Interior, terá capacidade para resolver as solicitudes de axudas para paliar os danos producidos pola tormenta de sarabia e inundacións do 8 de xullo de 2019 na provincia.
Así o puso de manifesto a institución, que explica que a delegación de competencias comprende as relativas á autorización e compromiso de gasto, ao recoñecemento das obrigacións e á ordenación dos pagos que se deriven das axudas concedidas.
O prazo para a petición das axudas remata o próximo día 20 de novembro. Afectados de Monterrei solicitaron información sobre as axudas para sufragar danos en vivendas e enseres como consecuencia das inundacións do mes de xullo. O Consello de Ministros do 20 de setembro acordou declarar a determinadas provincias e comunidades autónomas que sufriron temporais, inundacións, incendios forestais ou outras catástrofes naturais dende o pasado 1 de abril como "zona afectada gravemente por unha emerxencia de protección civil”. Entre elas, a provincia de Ourense .
As axudas van dirixidas a paliar os danos persoais e materiais sufridos polas familias na vivenda habitual ou nos enseres de primeira necesidade, así como os causados en establecementos mercantís, industriais ou de servizos. A subdelegación tamén explica os beneficios fiscais, medidas laborais e no ámbito da Seguridade Social, así como axudas a Corporacións Locais, á produción agrícola e gandeira e para a restauración medioambiental.
