A I Foliada de Barbadás para celebrar o Día das Letras Galegas empezará ás doce do mediodía na carballeira do parque dos Carrís. A Escola de Música Municipal desfilará pola Avenida de Celanova, acompañada pola Agrupación de gaitas Nova Fronteira, ata chegar á carballeira, onde rematarán o concerto. Alí, farase un xantar popular ó que está convidada toda a veciñanza. Ás cinco da tarde, comezarán os concertos dunha ducia de agrupacións, entre pandereteiras, bandas de gaitas e grupos de baile coma Airiños de Arnoia ou As Lambisqueiras.
Tamén acudirán ó acto de homenaxe ó poeta Florencio Delgado Gurriarán case unha vintena de artesáns, adicados a facer bordados, encaixe de bolillos, cosmética natural, produtos de herboristería e xoias. Os veciños poderán mercar mel caseira, rosquillas, queixos, cervexas e aceite feitos na casa.
