A concelleira de Sanidade e Benestar Social de Ourense, Marga Martín, explicou este xoves que foi chamada a declarar como imputada por dúas facturas supostamente falsas pagadas en 2008, segundo denunciou o partido da oposición Democracia Orensana (DO). Segundo comentou, os pagamentos do servizo de atención domiciliaria á concesionaria tiñan un trámite diferente ao doutros servizos pola súa elevada contía económica, pero remarcou que é 'legal'.
Martín deu explicacións e respondeu a todas as preguntas nunha rolda de prensa na que estivo acompañada polo concelleiro de Economía e Facenda José Ángel Vázquez Barquero, e a edila de Urbanismo, Áurea Soto, que interviñeron para responder a varias das cuestións formuladas e para expresar o respaldo á concelleira 'e compañeira neste goberno municipal que pode presumir de honradez e de xestión', dixo Soto.
En relación ao servizo de atención domiciliaria e o proceso xudicial Martín recordou que está citada a declarar como imputada o día 27 de marzo 'por fin pois supón para min un punto de inflexión e un alivio'.
Ademais, manifestou que tamén declararán na mesma calidade de 'imputadas' catro traballadoras do Concello, e varias testemuñas que son funcionarias, asesores xurídicos, técnicos 'excelentes profesionais todos eles deste servizo e que contan con todo o noso apoio e confianza', segundo afirmou.
Martín atribuíu ao éxito do servizo a domicilio que a oposición municipal centre nel os seus ataques, 'pero que teñan claro que con incomodidades e coa carga de traballo que supón este proceso que se suma ao propio do servizo, a atención a estas persoas maiores, algunhas enfermas ou soas, seguirá prestándose de forma óptima', engadiu.
PROCEDEMENTO ESTANDARIZADO
Unha pregunta sobre o pagamento denunciado de dúas facturas por unha contía de máis de 200.000 euros deu inicio ás intervencións de Soto e Vázquez Barquero, que se sumaron ás respostas de Martín.
Segundo a concelleira de Benestar Social, o pagamento de facturas conta cun procedemento estandarizado no Concello de Ourense e no caso das do servizo domiciliario, ese procedemento é especial 'debido á elevada contía do servizo'.
'Cando cheguei á Concellaría o trámite para os pagamentos era dunha forma e foise mellorando sen dúbida ningunha e as dúas facturas supostamente ilegais, pagáronse porque o servizo se fixo', manifestou, e Soto engadiu que algunha factura pode chegar 'directamente' a unha concellaría pero os pagamentos se fan sempre tras o seu rexistro, visado dos técnicos e supervisión dos políticos da área.
Marga Martín tamén rexeitou a suposta ilegalidade denunciada ao permitir que a Unión Temporal de Empresas Troncoso-Saludgest Servicios Sociosanitarios prestase o servizo durante un ano sen contrato, pola demora en realizar unha nova contratación, e explicou que, igual que aconteceu coa empresa Eulen que o prestaba en 2006, a UTE decidiu en 2010 que non quería seguir con ese servizo.
'Hai que seguir ofrecendo o servizo e mentres se inicia un novo trámite de contratación así que resolvemos, igual que antes se fixo con Eulen, que mantivesen o servizo ata que houbese nova mesa de contratación', dixo sobre unha decisión imprevista como a tomada pola empresa.
Segundo comentou Martín, en 2006, cando Eulen comunicou a súa intención de deixar de prestar o servizo domiciliario, 'se'tardou exactamente o mesmo tempo que en 2010 para reiniciar a atención a domicilio con outra empresa e ata ese momento, se mantivo coa que estaba para non o deixar en suspenso'.
ATAQUES DA OPOSICIÓN
Soto referiuse á necesidade de técnicos e de asesores xurídicos para acelerar os procedementos municipais e á súa petición continua deste tipo de persoal para indicar que 'é moi doado ir ao xulgado e sen probas para expulsar da política a alguén que simplemente molesta pero, tendo dereito a facelo, así non hai forma de gobernar', en alusión á oposición municipal de Ourense, que tamén centra os seus ataques en diversos temas da área de Urbanismo.
Nese sentido, aludiu ao caso dos paneis publicitarios, denunciado polo PP no xulgado, e con sentenza absolutoria para todos os acusados, entre os que estaban cargos e políticos do BNG, que formaron parte do Goberno municipal co PSOE ata hai uns meses, 'e aínda estou a esperar as desculpas', rematou Soto.
Vázquez Barquero tamén fixo unha alegación á presunción de inocencia 'para os políticos igual que para o resto dos cidadáns' e recordou que unha persoa que declara como imputada, como será o caso de Marga Martín 'non deixa de ser presuntamente inocente para ser presuntamente culpable'.
ESCÁNER ESPECIAL NO XULGADO
O Xulgado de Instrución Número 2 de Ourense notificou a sete persoas que terán que declarar os días 20 e 26 de marzo a partir das 9.45 horas, entre elas traballadores municipais de Contratación, Asesoría Xurídica, Xestión Económica e persoas vinculadas á UTE concesionaria.
O día 27 deberán declarar como imputadas a concelleira Marga Martín e dúas traballadoras do servizo de Benestar Social, que se suman a outras dúas que o farán tamén como imputadas o día 13 de marzo.
Ademais, o xulgado fai constar por escrito que o grande volume de documentación fixo necesario un escáner especial que finalmente quedou instalado tras reiteradas peticións presentadas polo xuíz ante a Subdirección de Informática da Xunta, tal como consta en dilixencias previas.
En relación ao servizo de atención domiciliaria e o proceso xudicial Martín recordou que está citada a declarar como imputada o día 27 de marzo 'por fin pois supón para min un punto de inflexión e un alivio'.
Ademais, manifestou que tamén declararán na mesma calidade de 'imputadas' catro traballadoras do Concello, e varias testemuñas que son funcionarias, asesores xurídicos, técnicos 'excelentes profesionais todos eles deste servizo e que contan con todo o noso apoio e confianza', segundo afirmou.
Martín atribuíu ao éxito do servizo a domicilio que a oposición municipal centre nel os seus ataques, 'pero que teñan claro que con incomodidades e coa carga de traballo que supón este proceso que se suma ao propio do servizo, a atención a estas persoas maiores, algunhas enfermas ou soas, seguirá prestándose de forma óptima', engadiu.
PROCEDEMENTO ESTANDARIZADO
Unha pregunta sobre o pagamento denunciado de dúas facturas por unha contía de máis de 200.000 euros deu inicio ás intervencións de Soto e Vázquez Barquero, que se sumaron ás respostas de Martín.
Segundo a concelleira de Benestar Social, o pagamento de facturas conta cun procedemento estandarizado no Concello de Ourense e no caso das do servizo domiciliario, ese procedemento é especial 'debido á elevada contía do servizo'.
'Cando cheguei á Concellaría o trámite para os pagamentos era dunha forma e foise mellorando sen dúbida ningunha e as dúas facturas supostamente ilegais, pagáronse porque o servizo se fixo', manifestou, e Soto engadiu que algunha factura pode chegar 'directamente' a unha concellaría pero os pagamentos se fan sempre tras o seu rexistro, visado dos técnicos e supervisión dos políticos da área.
Marga Martín tamén rexeitou a suposta ilegalidade denunciada ao permitir que a Unión Temporal de Empresas Troncoso-Saludgest Servicios Sociosanitarios prestase o servizo durante un ano sen contrato, pola demora en realizar unha nova contratación, e explicou que, igual que aconteceu coa empresa Eulen que o prestaba en 2006, a UTE decidiu en 2010 que non quería seguir con ese servizo.
'Hai que seguir ofrecendo o servizo e mentres se inicia un novo trámite de contratación así que resolvemos, igual que antes se fixo con Eulen, que mantivesen o servizo ata que houbese nova mesa de contratación', dixo sobre unha decisión imprevista como a tomada pola empresa.
Segundo comentou Martín, en 2006, cando Eulen comunicou a súa intención de deixar de prestar o servizo domiciliario, 'se'tardou exactamente o mesmo tempo que en 2010 para reiniciar a atención a domicilio con outra empresa e ata ese momento, se mantivo coa que estaba para non o deixar en suspenso'.
ATAQUES DA OPOSICIÓN
Soto referiuse á necesidade de técnicos e de asesores xurídicos para acelerar os procedementos municipais e á súa petición continua deste tipo de persoal para indicar que 'é moi doado ir ao xulgado e sen probas para expulsar da política a alguén que simplemente molesta pero, tendo dereito a facelo, así non hai forma de gobernar', en alusión á oposición municipal de Ourense, que tamén centra os seus ataques en diversos temas da área de Urbanismo.
Nese sentido, aludiu ao caso dos paneis publicitarios, denunciado polo PP no xulgado, e con sentenza absolutoria para todos os acusados, entre os que estaban cargos e políticos do BNG, que formaron parte do Goberno municipal co PSOE ata hai uns meses, 'e aínda estou a esperar as desculpas', rematou Soto.
Vázquez Barquero tamén fixo unha alegación á presunción de inocencia 'para os políticos igual que para o resto dos cidadáns' e recordou que unha persoa que declara como imputada, como será o caso de Marga Martín 'non deixa de ser presuntamente inocente para ser presuntamente culpable'.
ESCÁNER ESPECIAL NO XULGADO
O Xulgado de Instrución Número 2 de Ourense notificou a sete persoas que terán que declarar os días 20 e 26 de marzo a partir das 9.45 horas, entre elas traballadores municipais de Contratación, Asesoría Xurídica, Xestión Económica e persoas vinculadas á UTE concesionaria.
O día 27 deberán declarar como imputadas a concelleira Marga Martín e dúas traballadoras do servizo de Benestar Social, que se suman a outras dúas que o farán tamén como imputadas o día 13 de marzo.
Ademais, o xulgado fai constar por escrito que o grande volume de documentación fixo necesario un escáner especial que finalmente quedou instalado tras reiteradas peticións presentadas polo xuíz ante a Subdirección de Informática da Xunta, tal como consta en dilixencias previas.
