Esta plataforma, que esta mesma semana asinaba un convenio de colaboración con En Marea, para sumar con esta formación na Deputación, concorrerá ás eleccións presumiblemente pola súa conta
A plataforma cidadá Ourense Mellor estreou onte o seu local electoral, que se atopa na céntrica rúa Santo Domingo, número 19, no primeiro andar dereita. O candidato á alcaldía de Ourense por esta formación, Etelvino Blanco, atenderá á cidadanía para poder recoller preocupacións, queixas, suxerencias ou solicitudes todos os martes desde as 18,00 ás 20,00 horas. Calquera persoa poderá achegarse para trasladar a súas impresións sobre os cambios que precisa a cidade.
Esta plataforma, que esta mesma semana asinaba un convenio de colaboración con En Marea, para sumar con esta formación na Deputación, concorrerá ás eleccións presumiblemente pola súa conta, logo de non ter acadado resposta ás súas propostas de "aglutinar á esquerda" de toda a cidade nunha única candidatura.
Esta será unha das tres candidaturas que tentarán representar a denominada "unidade popular" xurdida en 2015, xunto a Ourense en Común ou unha candidatura entre Podemos e Esquerda Unida.
