Fóra do horario lectivo os nenos estarán con persoal especializado para a súa atención e para impartirlles distintas actividades de ocio e formativas
O Concello de A Peroxa amosou a intención de poñer en marcha un programa de conciliación no colexio para que os pais dos rapaces poidan ter unha mellor calidade de vida. Así llo transmitiu o goberno municipal á Asociación de Nais e Pais de Alumnos do CEIP Roberto Blanco Torres nunha reunión celebrada esta semana.
O Concello quere poñer en marcha un programa de conciliación xa durante este e vindeiros cursos, para que poidan levar os nenos ao colexio dende a primeira hora da maña ata a última da tarde, e así facilitar a coexistencia da vida familiar e laboral.
Durante este periodo, fóra do horario lectivo os nenos estarán con persoal especializado para a súa atención e para impartirlles distintas actividades de ocio e formativas.
As persoas que desexen ter máis información deste programa de conciliación poden poñerse en contacto cas oficinas municipais do Concello.
