Ao home detido, de 32 anos de idade e natural de Valladolid, lle constan once detencións anteriores por diversos feitos
Membros da Policía Nacional de Ourense detiveron na cidade un home, ao que lle constan 11 antecedentes, como presunto autor dun delito de furto dun teléfono móbil de alta gama.
Os feitos aconteceron en agosto de 2013, cando un cidadán formulou unha denuncia na Comisaría Provincial de Ourense na que comunicaba que fora vítima da subtracción do teléfono móbil da súa propiedade cando se atopaba traballando nunha empresa da cidade.
Ante estes feitos, a Policía iniciou unha investigación, que deu como resultado a localización do teléfono móbil subtraído na localidade de Molina de Segura (Murcia). Así mesmo, puídose identificar o presunto autor do furto.
Este xoves, a policía procedeu á detención do home acusado do delito, de 32 anos de idade e natural de Valladolid, ao cal lle constan once detencións anteriores por diversos feitos.
