O portavoz nacional do BNG, Xavier Vence, destacou onte aos concellos como "ferramentas clave para dinamizar a economía, o tecido económico local e a creación de oportunidades de emprego".
O portavoz nacional do BNG, Xavier Vence, destacou onte aos concellos como "ferramentas clave para dinamizar a economía, o tecido económico local e a creación de oportunidades de emprego". E iso, dixo nun encontro interxeracional -emtre mozos e emigrantes retornados- en Ourense coa presencia da candidatura na cidade, "é algo que nós vimos demostrando alí onde gobernamos, porque dende logo, nos concellos onde goberna o BNG hai un dinamismo económico que non hai alí onde goberna o PP".
O portavoz nacional cualificou a reunión coma "un encontro interesante porque serve para cruzar experiencias, pero tamén para ver que a realidade deste país da man do PP segue ameazada polo mesmo tipo de carencias".
Por iso, de cara a mellorar a situación dos concellos, Vence e a candidata Susana García lembraron o papel que xogan as deputacións provinciais, contra as que arremeteron porque, din, se os seus recursos se distribuiran directamente aos concellos, servirían para dinamización económica.
