As temperaturas máximas oscilarán entre os 19 graos de Ourense e os 15 de Lugo e Ferrol.
Durante a xornada do venres os ventos de compoñente sur irán achegando un fronte a Galicia, o que traerá ceos anubrados con chuvias intermitentes, que serán localmente tormentosas.
Segundo a información de Meteogalicia, o vento soprará de compoñente sur, frouxo en xeral e moderado no litoral atlántico a partir do mediodía. As temperaturas, pola súa banda, descenderán, especialmente no caso das mínimas.
Así, por cidades, as temperaturas máximas oscilarán entre os 19 graos de Ourense e os 15 de Lugo e Ferrol, mentres que as mínimas estarán entre os 7 graos de Santiago e Lugo e os 9 de Vigo.