As máximas oscilarán entre os 13 graos de Ferrol, Ourense e Vigo e os 10 graos de Lugo
Unha fronte achegarase este martes a Galicia, o que traerá ceos moi anubrados e chuvias, que comezarán durante a mañá polo oeste de A Coruña e se xeneralizarán co avance da tarde.
Segundo a información de Meteogalicia, os ventos soprarán de compoñente sur, moderados con intervalos fortes durante a tarde no litoral atlántico e máis frouxos no interior. As temperaturas mínimas sufrirán un lixeiro descenso mentres que as máximas ascenderán lixeiramente.
Por cidades, as máximas oscilarán entre os 13 graos de Ferrol, Ourense e Vigo e os 10 graos de Lugo, mentres que as mínimas estarán entre os 4 graos de Lugo e os 8 de Ferrol e A Coruña.
