Unha investigadora do Campus de Ourense da Universidade de Vigo, Vanesa Sanz, elaborou unha tese que afonda na valorización de materias primas agrícolas e mariñas como novas fontes de compostos bioactivos e xelificantes. A investigación centrouse na extracción de compostos de alto valor engadido a partir de diversas materias agroindustriais. Por exemplo, o lúpulo prensado seco (Humulus lupulus), empregado na fabricación de cervexa, ou as algas vermellas, entre outras fontes.
A investigadora explica que, tendo en conta a oferta limitada de materias primas e unha alta demanda de produtos saudables, o uso de subprodutos e restos industriais parecen ser “una alternativa prometedora, renovable e de baixo custe” onde se promoven prácticas “verdes e sostibles” como a bioeconomía, a economía circular e as biorrefinerías.