A carreira da felicidade é unha proba xa afianzada da Universidade de Vigo que xeralmente se leva a cabo en abril, pero que ofrece durante o curso outras actividades que xiran en torno a este evento
Un dos eventos de maior poder de convocatoria da Área de Benestar, Saúde e Deporte, é a HappyGoRunning. Trátase dunha proba deportiva que ofrece dúas carreiras, unha andaina e múltiples actividades paralelas co fin de que os participantes gocen dunha xornada de diversión ao tempo que realizan unha actividade saudable.
A carreira da felicidade é unha proba xa afianzada da Universidade de Vigo que xeralmente se leva a cabo en abril, pero que ofrece durante o curso outras actividades que xiran en torno a este evento. Un exemplo disto é a charla que hoxe acolle a sala cardio fitness do pavillón universitario do Campus de Vigo. Este relatorio correrá a cargo de David García Oterino e leva por título "Falemos de running". O que se pretende con esta actividade é achegar as claves para preparar a HappyGoRunning desde unha perspectiva multidisciplinar, integradora e eficiente. A charla comezará ás 13,15 horas e está dirixida a todos os membros da comunidade universitaria sen necesidade de inscrición previa.
