Preto de 150 estudantes de grao, mestrado e doutoramento recibirán este martes, a homenaxe da comunidade universitaria, no transcurso do acto de celebración do patrón da institución, San Tomé de Aquino. A partir das 12.00 horas no salón de actos da Facultade Ciencias Económicas e Empresariais do campus de Vigo dará comezo un acto académico no que se entregarán os 45 premios extraordinarios de grao, 23 premios extraordinarios de doutoramento e seis premios Egeria á inclusión da perspectiva de xénero nos traballos de fin de grao e máster. A estes galardóns súmanse as distincións aos mellores expedientes do alumnado de novo ingreso: 60 premios de excelencia para o estudantado que comezou neste curso os estudos de grao e 15 de para os que comezaron un mestrado.
O reitor da Universidade de Vigo, Manuel Reigosa, e varios membros do equipo de goberno serán os encargados de entregar medallas, insignias e diplomas ós premiados. A cerimonia completarase co discurso do reitor, no que fará un repaso polo fitos máis importantes do pasado ano 2019, e coa actuación musical de Son Trío.
O acto académico da festividade de San Tomé de Aquino coincide nesta ocasión co propio día da efeméride, por iso, as instlacións dos tres campus da Universidade de Vigo permaneceron pechadas durante o día de onte para celebrar ó seu patrón.
