O Centro de Innovación Aeroespacial xa ten o seu espazo

portoni_result
photo_camera Edificio Tecnolóxico Aeroespacial, en Porto do Molle, Nigrán.

Hai uns días, inaugurouse en Porto do Molle o Edificio Tecnolóxico Aeroespacial coa presenza do presidente da Xunta de Galicia, Alberto Núñez Feijóo

Cinco meses despois da constitución da súa fundación, o Centro de Innovación Aeroespacial, Cinae, xa dispón dun espazo para desenvolver a súa actividade. Coa Universidade de Vigo e o Consorcio da Zona Franca como membros fundadores e a participación no seu padroado das empresas e entidades privadas Airbus, Consorcio Aeronaútico Gallego (CAG), Deltavigo e a Unión de Empresas Gallegas de Aeronáutica (Udega), este “protocentro tecnolóxico”, chamado a convertese no principal foco de innovación e desenvolvemento do noroeste peninsular para o sector aeroespacial, conta xa cun lugar propio no Edificio Tecnolóxico Aeroespacial de Porto do Molle en Nigrán. No inmoble de máis de 6.000 metros cadrados, promovido por Zona Franca e o Instituto Cameral para la Creación y Desarrollo de la Empresa, Incyde, o Centro de Innovación Aeroespacial, que será o único de Galicia coa especificidade que precisan os sectores aeronáutico e aeroespacial, compartirá espazo cun viveiro de empresas tecnolóxicas, así como con empresas privadas.

O acto de inauguración do Edificio Tecnolóxico Aeroespacial, que estivo presidido polo titular da Xunta de Galicia, Alberto Núñez Feijóo, e no que se deron cita representantes do sector aeroespacial, e de entidades públicas e privadas, comezou cun recordatorio por parte da delegada do Estado no Consorcio da Zona Franca, Teresa Pedrosa, para o comisionado do VigoTecnolóxico e docente e investigador da Universidade de Vigo, José Antonio Vilán.

Te puede interesar
Más en Universitas